حسب الاصول

حسب الاصول

جرب قدم استدعا تطلب فيه حق من مسؤول
طلب عادي ومهو صعب الحصول
هو دورك وحقك مهو جودة ومكارم او غلول
وتقديم الطلب مهو معفي من الطوابع والبرتوكول
يمر الطلب في محاضر ودفاتر وروتين مَلول
صحيح روتين حبر على ورق بس الكلام معسول
اولها سيدي واخرها سيدي والحشوة وش ما تقول
وتشوف الفرح مرسوم على حبر القلم على طول
والورق تِقَلَب بين صادر ووارد وصفر الخمول
من لحظة تكتب استدعاء يجيك الفكر يصول يجول
فكر التفاؤل لا منافس ولا حاسد ولا بخول
ويبدا احساس الفرح ان الاستدعا حاز القبول
ويا النداء "يا بُني" "يا عزيزي" لا تكن عجول
ويرفع الموظف الكلفة ويصدر لك لقب بهلول
يحط عندك احساس لو كنت غايب حظك جاه الوصول
ولنطالت غيبتك حظ الغايب محفوظ دون المثول
حتى لو سافرت خارج الوطن وكثرت الرحول
الطلب محفوظ الرقم في تصانيف الجِدول
احترت كيف اخدم هالوطن باعلى مربوط النزول
واعاتب نفسي كم ظلمتك يا وطن في شتى الفصول
وجاني الرد جاني يحقق أحلام ابني الشب الخجول
كيفت ان الطلب يحمل توقيع حسب الاصول
انشرح صدري وابتهج قلبي ذا عَدلٍ لا عنه عدول
شروحات المدير"دراسة الطلب حسب الاصول"
شروحات وتنسيب الامين العام"حسب الاصول"
وشروحات الوزير العمل "حسب الاصول"
عبارة اوهمتني اني في امان وحكمت العقول
مدريت ان العبارة وهم وخيال وتخدير العقول
مدريت ان"حسب الاصول" جسر للافول وحظ منقول
بعدين دريت ان"حسب الاصول" للهزيمة والفلول
نعم دريت متوخر ان العبارة فيها بعيدة عن الاصول
عرفت ان "حسب الاصول" ثقافة "تنتهك الاصول"
طبعا الطلب ع طاولة الموظف مع الزيت والفول
وفي بعض الاحيان الطلب مرمي مداس الرجول
ولا تستغرب ان الطلب مزوي في مكان مجهول
بين الطاولات وعتيق الجوارير حسب الاصول
ولضاع دور عليه بين عجيج التراب ورشات الوحول
قدم غيره بعينك الله وجدد وثايق وتابع ع الاصول
ومن توقيع لتوقيع مواعيد عرقوب والوعد النطول
وبعد تعليقي على عبارة "حسب هدم الاصول"
قولي"ذي عبارة مصدية تجي لصار الحق ماكول"
عبارة مثل سوق البعير مرة ناقة ومرة ذلول
يوم انه صديق ورفيق تجي بَكرَة ورحول
ولصار لا معارف "خله يولي" ولا خُله ولا خلول
لحتجيت قال"اللي ميطول العنب حامض عنه يقول"
"حسب الاصول" عبارة المحاسيب ودق الطبول
عبارة شهيرة يوم وده يحمي نفسه هالمسؤول
ولشتكيت قال الموظف ايدك وما تطول
روح واركب من خيل اهلك اعلى الخيول
واشرب مي البحر اشرب وخلي شربك بالسطول
ولنشف البحر دونك الوديان وكل السيول
وكالعادة ينسى المواطن ثلثين حقه حسب الاصول
مشان ميندم وتكبر قضية تستدعي للقاضي المثول
حتى ما يقاضيك الوطن ويحمل جمايل ولو في خجول
واول من تخلى عنك ربعك"لا يمثلنا ولا له عنا قبول"
حسب الاصول عبارة المفاسد اللي تصول وتجول
نداء من قاع تراب الوطن للي لهم حظ وقبول
هيا لمن اراد الوصول على حساب هدم الاصول
الشاغر مفصول لابناء الذوات و"حسب الاصول"
هذه هدية التخرج والوطن يكافي هدامات الاصول
بحكم الصلاحيات يتم تعيين الذات فوق الاصول
واللي على الدور ينتظر ينتظر حتى تعود الاصول
اشكر هالوطن على العدالة الشكر الجزيل الجزول
اللي صدقت اني مقصر بحقه وادور بقلبه قبول
واللي بصوت واحد لاجله ننشد موطني حمال الثقول
هـلا بالوطن عروق ونبض قلبي فداك النفس وما تنول
نغيب ونرجع يهلا بتاج راسي ويظل الوطن وطن جلول

google.com, pub-6158667176473643, DIRECT, f08c47fec0942fa0