كرم اهل البطين (ضرما والمزاحمية وقصور ال مقبل) في منطقة العارض

السلام عليكم ورحمة الله وبركاته

google.com, pub-6158667176473643, DIRECT, f08c47fec0942fa0

وادي البطين هو أحد أودية منطقة العارض وهو وادي يمتد من سفوح جبال طويق الشاهقه الى منطقة نساح الواقعه جنوب العارض وتقع بلدة ضرما وبلدة المزاحمية في وسط هذا الوادي وقد برز منهم العديد من الكرماء.

قصيدة الشاعر الكبير ابراهيم بن ناصر بن زامل ال حوشان العنزي
رحمة الله
من أشهر شعراء العارض

هاض الغرام وهيض القلب ولوال / ولب الهموم الي تشب الضماير
وقامت علي دنياي رجلي وخيال / ومن عايل الدنيا يشوف النكاير
ولو جست من صدفات الايام غربال / نصيت قرم ما يهاب الخساير
ناصر صليب الراس لي حدك الجال / الشيخ ابو صالح زبون الخساير
يعطي العطيه من دية دق وجلال / حمر النياق مكسرات النجاير
ولد حمد جعل تنفد أياديه المال / كريم جعل مايجي يديه الكساير
وقصر القرينه مار للضيف مدهال / والباب مفتوح ولا هوب ذاير
ويضيف الي جاه من بعيد هشال / ولا يكره الي جاه من بعيد زاير
وقصر القبالي فيه للكرم منزال / وراعيه فيه الكرم والجود ناير
ابن عمران شيخ ماضيات له افعال / يفداه منهو بالمواجيب باير
عبدالله شبيه الجدي راس ولا زال / يسري به الساري ولا هو عاير
والنخل من فوق ضيفانه ظلال / مدهال شيخ ودلاله وألماتٍ كباير
وصحون تقلط عليها السمن سال / واجدٍ يقلط له من الشحم ساير
وقصرالفيضه الي على الجال / فيه الزمامي يعطي من العشاير
سعد جمل زومان شيال الإثقال / لو الحمل رصاص بالحمل ثاير
قول حق اقوله ومثبت بالأقوال / رجال وسط البطين فعلهم ناير
وصلاة ربي عد ما هل همال / على النبي الي على الحق ساير

وهي أطول من هكذا لكن هذا الذي استطعت جمعه

يمدح خمسه من رموز الكرم في وادي البطين (ضرما - المزاحمية - قصور ال مقبل)

راعي قصر القرينه / حمد بن صبيح المقبل التميمي
راعي قصر القبالي / عبدالله بن عبدالعزيز العمران السبيعي
راعي قصر فيهق / سليمان بن محمد السياري الخالدي
راعي قصر الفيضه / سعد بن ناصر الزمامي الدوسري
راعي قصر بن زامل / ناصر بن عبدالله بن زامل الحوشان العنزي